^

Banat Palaro

Pistons mipabugnaw sa Spurs

Emmanuel B. Villaruel - Banat

CEBU, Philippines — Si Cade Cunningham mikadlit og 27 puntos samtang si Daniss Jenkins midugang og 25 puntos sa dihang giputol sa Detroit Pistons ang 12 ka sagunson nga daog sa San Antonio Spurs uban ang 105-93 nga kadaogan sa NBA kagahapong adlawa didto sa Frost Bank Center sa San Antonio, Texas.

Duha ka higayon nga nabiyaan ang Detroit og double-digit sa first half apan milusad sila og eksplosibong opensiba sa ikatulong kuwarter aron pahagbaon ang gamhanang Spurs ug inaton ang ilang rekord ngadto sa 9-4.

Samtang sila si Cunningham ug Jenkins nagkumbinar og 52 puntos, ang Pistons mitrabaho sab og maayo sa depensa hinungdan nga ilang nalimitahan ang Spurs ngadto lamang sa 93 puntos.

Mao kini ang labing gamay nga puntos sa Spurs sa usa ka duwa ning season ug unang higayon nga wala sila makaabot 100 puntos.

Si Victor Wembanyama mipupo og 25 puntos samtang si Dylan Harper mi-iskor og 20 puntos apan pareho silang nangaminghoy kay ang Spurs natagak sa 12-3.

Sa laing bahin, ang defending champion New York Knicks mipayaka sa Toronto Raptors, 111-102.

Si Jalen Brunson mipabuhagay og 31 puntos alang sa Knicks, nga nagtangag na karon og 8-6 nga baraha.

Ang Minnesota Timberwolves mirehistro sa ika-11 nilang daog human nakaipsot sa Portland Trail Blazers, 106-105, sa kulbahinam nilang sangka.

Si Ayo Dosunmu milansang og pito ka 3-pointers sa iyang 30 puntos alang sa Wolves. Siya sab ang mipasa sa bola nga miresulta sa nakapadaog nga itsa ni Jaden McDaniels sa pinal nga tres segundos.

NBA

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with