Joshua at Julia, may ipinahiwatig!
MANILA, Philippines — Ipinasilip na nina Joshua Garcia at Julia Barretto ang official poster ng kanilang reunion movie na Always Yours, Never Mine na mapapanood na sa mga sinehan simula Setyembre 30 (Miyerkules).
Isinagawa nina Joshua at Julia ang poster reveal sa makasaysayang Calle Crisologo sa Vigan, Ilocos Sur, na isa sa mga lugar kung saan kinunan ang pelikula. Kasama nila ang cast members na sina Karen Reyes, Bob Jbeili, Migs Almendras, Paulo Angeles at Joy Barcoma.
Tampok din sa pelikula ang beteranang aktres na si Chanda Romero at ang Kapuso star na si Bianca Umali sa kauna-unahan niyang pelikula sa Star Cinema.
Makikita sa movie poster ang JoshLia na nagbibigay ng pahiwatig sa tema ng pelikula ng pag-ibig at pananabik.
Ang Always Yours, Never Mine ang bagong handog ng ABS-CBN Studios at Star Cinema na mula sa pangunguna ng blockbuster director na si Cathy Garcia-Sampana. Mula naman ang kwento nito kina Olivia Lamasan, Trishtan Perez at Vanessa Valdez.
Kabilang din sa cast sina Ina Raymundo, Franco Laurel, Reign Parani, Paolo Gumabao at Jan Silverio.
Kabayan Noli, naghahanda na sa pagbabalik
Ber months na. At ito, totoo raw na may grand comeback si Kabayan Noli de Castro sa TV Patrol.
Naudlot ang comeback ni Kabayan Noli noong nakaraang June, in time for the State of the Nation Address ni Pangulong Bongbong Marcos sana.
Hindi pa raw kasi aprub ng doktor ni Kabayan na bumalik siya sa trabaho that time. Saka pumayat din daw kasi si Kabayan at hindi na talaga nagkasya ang mga suit niya kaya kailangang magpa-adjust at magpagawa ng new outfit.
But anyway, pagbalik din daw ni Kabayan ay hindi na siya nakatayo habang nagbabalita.
May sarili na siyang upuan habang nag-uulat ng kaganapan sa ating bayan.
Hindi na diumano nito kayang tumayo nang matagal.
- Latest
