TRO vs Sara impeachment inihain sa SC
MANILA, Philippines — Hiniling ng isang grupo ng mga abogado sa Korte Suprema na pigilan sa pamamagitan ng temporary restraining order (TRO) ang pagsusulong ng Kamara sa ikatlo at ikaapat na impeachment complaints laban kay Vice President Sara Duterte.
Sa 186-pahinang petisyon, hinimok ng mga abogado na pinangunahan ni Atty. Israelito Torreon ang Supreme Court (SC) na ideklarang may grave abuse of discretion ang House of Representatives sa pagtanggap ng mga impeachment complaints na kulang sa porma at nilalaman.
Iginiit nila na dapat ay tuluyang ibinasura ang ikatlo at ikaapat na reklamo.
“[T]his petition is not about placing Vice President Sara Duterte on accountability. It is about ensuring that accountability remains constitutional. Impeachment is a grave constitutional process. It is not a political free-for-all process,” ani Torreon sa pulong-balitaan.
Kabilang sa grupo ng abogado sina Vic Rodriguez, Rescie Angelli Rizada-Nolasco, Martin Delgra III, Wendel Avisado, James Patrick Bondoc, Raul Lambino, Luna Maria Acosta-Manlitoc, Jesus Hinlo Jr., at Dr. Richard Mata.
- Latest
