Mga ahente sa NBI-7 gikasohan bahin sa pagronda sa buwangan

CEBU, Philippines — Gipasakaan og tulo ka kaso ang mga sakop sa National Bureau of Investigation (NBI)-7 ngadto sa Visayas Ombudsman.

Ang complainant sa kaso mao si Mary Cris Cabalquinto cashier matud pa sa Amenic N’ Calajoan Cockpit, apan ang misang-at sa kaso mao si Atty. Louie Arma nga spokesperson sa complainant.

Kasong criminal gumikan matod sa ‘abuse in the service of search warrant,’ grave misconduct ug robbery ang gipasaka nga kaso batok nila ni Atty. Rennan Augustus Oliva, Regional Director sa NBI-7, supervising agents nga sila si Wenceslao Galindez, Donaver Inesin, agents nga sila si Niño Rodriguezm Contessa Lastimoso, Agapito Gierran ug Beinvenido Panacean ug Audie Ybiernas, Administrative Aide, job order employees nga sila si Erman Mier ug Mark Dominique Nadela ug usa ka sibilyan nga si Michael (Mikol) Castro.

Sigon ni Atty. Arma ang pagpasaka nila og kaso subay kini sa nahitabong operasyon sa NBI-7 sa Amenic N’ Calajoan Cockpit sa Barangay Calajoan, Lungsod sa Minglanilla niadtong Septiyembre 16, 2022 pinasikad sa search warrant gna miresulta sa pagkasikop duha ka businessmen ug 37 nila ka empleyado.

Sigon ni Arma ang nipasaka sila og ‘abuse in the service of the search warrant’ tungod kay apil matod pa sa gi-search sa NBI ang ubang dapit sa cockpit nga wala nakabutang sa search warrant.

Ang grave misconduct kini tungod matod pa ang mga tinugyanan sa balaod mao untay moprotihir sa katawhan ug ‘not the other way around,’ samtang robbery tungod matud pa sa complainant P8.3 million ang nawala apan pag-return sa search warrant giingong ang gi-report kay P2.5 million ra.

“Ang mga CCTV nato nga nakuhaan sa source sa gi-attached nato nga CCTV sa complaint ang katong mga concealed CCTVs kay kanang entity that’s very high technology when it comes to CCTV cameras you will never suspect nga naay mga CCTV kay very kanang puro miniature nga CCTV ang gipanggamit unya the CCTV never lies,” ni Arma pa.

Sa pangutana kun nganong karon lang sila nisang-at og kaso nga sa miaging tuig pa nahitabo ang operasyon, kini mipadayag nga  dili basta-basta nga entity ang NBI ug dunay nga apprehensions matod pa sa habig sa complainant ilabi na nga kini babaye.

Samtang ang NBI andam motubag kaso kun makadawat na og kopya sa formal complaint. (BANATNEWS)