8 durugista tiklo sa pot session
LUCENA CITY, Quezon, Philippines – Walong durugista na naaktuhan sa pot session may ulang oras bago sumapit ang Bagong Taon ang naaresto ng mga operatiba ng pulisya sa inilatag na buy-bust operation sa Purok Damayan 2, Barangay Ibabang Iyam sa Lucena City, Quezon. Pormal na kinasuhan ang mga suspek na sina John Derrick Repecio, 19; Fernando Tatlonghari, 52; Edgardo Villoria Jr., 40; Jayare Abellanosa, 33; Michael Zuniga, 35; Rommel Neria, 22; Loriebel Lorenzo, 18; at ang 17-anyos na babaeng itinago sa pangalang Claire.
Sa police report na nakarating kay P/Senior Insp. Rodolfo Borromeo, hepe ng Lucena PNP Intel/DEU, dakong alas-8:45 ng gabi nang isagawa operasyon laban kay Repecio kung saan ay nakumpiskahan ito ng 6-plastic sachet ng shabu.
Nang pasukin ng mga awtoridad ang bahay nito ay naabutan pa ang pitong iba pa sa pot session at nasamsam ang 3 plastic sachet ng shabu at mga drug paraphernalia.
- Latest
