KCFI at BPI foundation, namimigay ng educational TV sets

Patuloy ang Knowledge Channel Foundation Inc. (KCFI) sa layunin nitong gawing mas masaya ang pagkatuto ng mga mag-aaral sa iba’t ibang panig ng bansa matapos maghatid ng educational TV sets at iba pang materyales sa mga paaralan sa Visayas at Mindanao, katuwang ang BPI Foundation (BPIF) sa proyekto nitong FinEd Unboxed.

Magmula Setyembre, nagtungo ang caravan sa Isabela City (Basilan) at Zamboanga City sa Mindanao, pati sa Guimaras at Iloilo City sa Visayas para mamigay ng Knowledge Channel TV sets at portable media library nitong may higit 1,500 curriculum-based video lessons para ipalaganap ang multimedia learning sa araw-araw na pag-aaral ng mga estudyante sa iba’t ibang grade level.

Kasabay nito, inilunsad din ng KCFI at BPIF ang bagong episodes ng Estudyantipid na layong magbigay-aral sa mga estudyante hinggil sa tamang pangangalaga sa pera sa murang edad.

Taos-puso ang pasasalamat ni KCFI vice president Edric Calma sa patuloy na suporta ng BPIF sa kanilang adhikain sa edukasyon.

Aniya, “Through our partnership with the BPI Foundation, we are building on that legacy. The turnover of the Knowledge Channel TV does not merely provide access to our curriculum-based video lessons, but is an investment in the future for every learner who will benefit from curriculum-aligned video lessons.”

“At BPI, we believe that financial education is a powerful tool for empowerment. By helping young Filipinos develop practical money skills early, we can help build a generation that is more responsible, resilient and prepared for the future,” wika naman ng BPIF trustee Mary Catherine Elizabeth Santamaria.