Davao City may P2.6-B confi funds sa termino ni Sara
MANILA, Philippines — Binusisi sa pagdinig ng prosecution panel na si Atty.Amando Virgil Ligutan si hostile witness na si Gina Acosta, Special Disbursing Officer (SDO) ng Office of the Vice President (OVP) at napalitaw na umaabot sa P2.6 bilyon ang confidential funds ni Vice President Sara Duterte noong ito ay mayor sa Davao City mula 2016 hanggang 2022.
Kabilang dito ay P144 milyon noong 2016; P294 milyon noong 2017; P420 milyon noong 2018; P460 milyon kada taon mula 2019 hanggang 2022.
Si Acosta ang namahala sa confidential funds ni Sara noong Mayor pa ito at maging ng italaga na siya bilang SDO sa OVP.
Gayunman, nang matanong ito kung may kaalaman ito sa P460 milyon sa secret funds sa Davao City kada taon sa loob ng 4 taon ay sinabi ni Acosta na wala siyang matandaan.
Sinabi ni Acosta na matanda na siya kaya may mga detalye na hindi na niya matandaan at nagiging makakalimutan na umano siya sa paglipas ng panahon.
Inihayag pa ni Ligutan na confidential funds ni Duterte noong mayor pa ng Davao City ay mas malaki pa ito sa P612.5 milyong confidential funds nito mula 2022 hanggang 2023 sa OVP at DepEd noong kasalukuyan pa itong Kalihim ng ahensiya.
- Latest
