Gipusil pagsugod sa gun ban

CEBU, Philippines — Gipusil patay ang usa ka lalaki atol sa pagsugat sa unang adlaw sa election gun ban sa may dalan M.L. Quezon, Pajo, Dakbayan sa Lapu-Lapu niadtong Biyernes sa gabii.

Ang biktima naila nga si Jeffrey Baguio, hingkod, taga Purok Mangga sa maong barangay.

Matud ni Police Officer 3 Marvin Saraum, imbestigador sa Homicide Section sa Lapu-Lapu City Police Office, nga naglakaw ang biktima dihang kalit niabot ang wala ilhing tawo dayon namusil ug nisibat.

Nakaangkon og daghang samad pinusilan si Baguio kinsa dali nga gidala sa Lapu-Lapu City Hospital apan gideklarar nga patay na. (BANAT NEWS)