Outstanding Women

CEBU, Philippines — Gipasidunggan si Marian Rivera sa mga Caviteño isip usa sa 2018 Cavite Outstanding Women Leader. Gipasigarbo nila si Marian gumikan kay nakakulit kini og pangalan sa showbiz industry. Gitunol ang maong pasidungog atol sa kulminasyon sa Women’s Month sa Provincial Government sa  Cavite.

Naapektohan ang trabaho

Giangkon ni Vice Ganda nga naapektuhan na ang iyang trabaho sa iyang sakit nga gibati karon. “Gusto kong sumayaw, gusto kong harutin si Vhong, gusto ko makipagtulakan kay Anne, gusto kong makipaglandian sa inyong lahat dahil sa kalagitnaan ng tawa ko may nararamdaman ako, bumabagsak ang ngiti ko, naapektuhan ang trabaho ko,” esplikar ni Vice.

Gi-Follow sa Idolo

Gikilig pag-ayo ang Kapuso star  nga si Marika Sasaki human siya nga gi-follow sa Kapuso actor  nga si Marc Abaya. Sa IG story ni Marika, gipadayag gyud niya ang iyang kalipay human niya makita nga ni-follow ang iyang idolo kaniya. Pareho nga makita ang duha sa musical/romcom nga ‘My Guitar Princess’ nga gibidahan nila ni Julie Anne San Jose, Kiko Estrada ug  Gil Cuerva.

Bag-ong titulo

Sa social media post sa Ballet Philippines, malipayon nga gipaambit sa tanan nga ang usa sa ilang chairman nga si Miss Universe 1973 Margie Moran-Floirendo mao ang opisyal nga mahimong Chairperson sa Cultural Center of the Philippines.

Ikaduhang anak

Malipayon nga gipahibalo sa basketball star nga si James Yap nga aduna na sab silay umaabot nga anak sa iyang Italian partner nga si Michela Cazzola. Mao na kini ang ilang ikaduhang anak human nga gipakatawo ang ilang unang anak niadtong 2016.

Sigi og monitor

Giangkon ni Dimples Romana nga kanunay gyud nga gibuhat kaniadto ang mag-monitor sa cellphone sa iyang bana nga si Boyet Ahmee. Apan karon inanay na kini nga nawala ang maong binuhatan gumikan kay mao kini ang usa sa tinubdan sa ilang away ug daghan na ang mga cellphone nga nangaguba tungod sa iyang pag-ilusyon nga adunay laing ika-iring-iring ang iyang bana.

Stylist sa Bana

Dako gyud og parte si Regine Velasquez sa pagbalik ni Ogie Alcasid sa paghatag og komedya sa telebisyon. Si Ogie lakip na karon sa ‘Home Sweetie Home’ nga adunay karakter nga cross-dresser. Aron nga makatabang sa asawa sa trabaho, nagsilbi si Regine nga stylist ni Ogie. Gani, gipahuwam sab ni Regine ang iyang bana sa iyang mga mahalon nga gamit ilabi na ang branded bags.

Sundalo ang role

Naghinam-hinam nga adunay sagol nga pagpangulba ang gibati karon ni Gerald Anderson tungod kay sa sunod niya nga teleserye, sa Marawi kini pagahimoon . Midetalye si Gerald nga maghisgot ang istorya niini sa mga Pilipino nga sundalo.

Gi-unsa pag –usab?

Gipaambit ni Ana Capri kun giunsa niya pagtalikod sa iyang imahe kaniadto isip ilado nga bold star. “I compete with myself. Paano ba mas magiging better yung ginawa ko last time. Ano bang growth ang dapat kung gawin sa sarili ko. Tapos mas nagpopokus ako sa sarili kong race”, suma pa ni Ana.

Nangandam na

Gidetalye ni Dianne Medina nga mahitabo na sa Disyembre sa sunod tuig ang ilang kasal ni Rodjun Cruz. Mahitabo ang seremonya niini sa Manila Cathedral ug isunod ang reception niini didto sa Hotel Sofitel sa Manila. Matud pa ni Dianne nga samtang taas-taas pa ang ilang preparasyon alang sa kasal, hinay-hinay na sab sila nga nangandam alang sa ilang mahimong panimalay puhon.