Balaod sa kinaiyahan (Law of nature)
- MAMUGNAONG TAMING () - April 1, 2012 - 12:00am
I

Ang balaod sa mortal nga tawo

Bisan og tinagik niadtong makiadmanon

Mahimong mausab

Nunot sa aghat sa panahon ug agi’g tubag sa hagit sa kahigayonan

Ang balaod sa mortal nga tawo

Mausab ug ginausab

Aron  mohaom sa kasamtangang panginahanglan

Sa matag tawo ug sa kinatibuk-ang katilingban

Ang balaod sa mortal nga tawo

Bisan og giugba niadtong mga malantip og salabutan

Halangdon ang kaakuhan

Ug natingban sa atong tugob nga pagtahod

Sanglit sila ang atong magbabalaod

Mausab ug ginausab

Matag karon ug unya

Hinungdan ang di ikasugid nga kakulang ug kasaypan

Kay lagi binuhat sa tawo lamang

III

Apan ang balaod nga di matuis

Bisan sa pagpanglabay sa di maihap nga katuigan

Nagpabili’ng tig-a sama’s batong bantilis

Gihan-ay gikan sa kayo ug tubig

Gipanday atubangan sa naglagiting nga kahayag

Gianinaw bisan sa makabuta nga kangitngit

Gipinsar sa tidlom nga kalawom sulod sa makabungog nga kahilom

Gitukawan og daghanang panahon bisan sa himig nga kabugnaw

Aron niadtong linupigang timawa

Kaangayan di mahikaw

IV

Balaod nga di masilab bisan sa mapintas nga kayo

Di mapukan bisan sa kusganong bagyo

Lig-on sa harianong pagbarog

Taliwa sa makalilisang nga linog

Balaod nga inomol, gihangkob sa Balaanong Kamot

Balaod nga way tinahod ang pagpadulot

Sanglit pinagba man sa Iyang dugo ug singot

Balaod nga way gipinig ang pagpatuman

Mao kini ang balaod sa kinaiyahan.

APAN ARON BALAANONG KAMOT BALAOD BISAN GIANINAW GIHAN MAUSAB SANGLIT
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with