JoshLia movie naka-P100M na!

CEBU, Philippines — Padayon nga gihangop sa moviegoers  sa tibuok nasud ang  romantic drama sa Star Cinema ug ABS-CBN nga “Always Yours, Never Mine.”

Nitala na kini og kapin sa ?100 million nga kinatibuk-ang kita sa box-office  niadtong Domingo, Oktubre 11.

Ang maong pelikula kay  gibidahan  nila Joshua Garcia ug Julia Barretto .

Gisaway ang pag-arte

Gidawat ra ni Mika Salamanca ang mga pagsaway nga iyang nadawat   kabahin sa iyang pag-arte ug mao kini magsilbing instrumento aron mas tarungon  pa niya ang iyang abilidad isip aktres. Sa bag-ong episode sa “Your Honor,” miangkon ang Sparkle star nga nabasa niya ang mga komento sa mga tawo bahin sa iyang pag-arte sa seryeng “The Secrets of Hotel 88.”Imbes masakitan sa mga komento , nakahukom si Mika nga motambong  og  acting workshop ug mangayo og tabang sa iyang mga higala nga artist  aron mapalambo  ang iyang pag-arte.

Excited na sa Eurovision

Naghinam-hinam na si Carmelle Collado sa iyang pagrepresentar sa Pilipinas sa umaabot nga Eurovision Song Contest Asia sa Bangkok, Thailand, karong  Nobyembre 14.Miangkon ang singer  nga naa  ang pressure sa iyang pag-apil sa maong international competition , apan andam niya buhaton ang kutob sa iyang mahimo aron mosidlak sa entablado.

Nagminyo na

Nagpakasal na ang South Korean stars nga sila  Jang Dong-yoon ug Kim Seung-yoon pianagi sa pribadong seremonya niadtong Oktubre 10, uban sa ilang pamilya ug suod nga mga higala. Nailhan si Jang isip usa sa mga bida kaniadto sa  seryeng The Tale of Nokdu.

ABS-CBN ug TV5, co-producers na sa  “ASAP XP”

Sugdan na sa TV5 karong Oktubre 18 ang pag-ere   sa musical variety show nga “ASAP XP” ubos sa tingoha nga daghan pa nga mga Pinoy ang makasaksi niini.

Gipahibalo kini atol sa ceremonial signing  sa “ASAP XP” didto sa  Pampanga niadtong Domingo , diin pormal nga gipirmahan sa ABS-CBN ug TV5 ang kasabotan alang sa co-production sa programa.

Nitambong sa habig  sa  ABS-CBN kay sila Chairman Mark Lopez, President ug CEO Carlo Katigbak, Chief Operating Officer Cory Vidanes, ug Chief Partnership Officer Bobby Barreiro. Samtang  sa TV5, naa ang presensya  nila  Chairman Manuel Pangilinan, MediaQuest President ug CEO Victorico Vargas, ug Officer-in-Charge Chaye Cabal-Revilla.

Magpadayon ang pagpasundayag sa mga Kapamilya star sa programa, uban sa mga artista sa TV5 nga STAR WORX nga mahimong kabahin na usab sa “ASAP XP.” Mitambong sa selebrasyon ang mga bitoon  sa programa nga sila Ogie Alcasid, Piolo Pascual, Erik Santos, Darren Espanto, Alexa Ilacad, Robi Domingo, Belle Mariano, Donny Pangilinan ug Dylan Menor. Kauban usab nila ang mga STAR WORX artists  nga sila Carmela Lorzano, Selina Griffin ug Nico Matugas.

Makita  ang “ASAP XP” matag Domingo sa TV5, dungan sa pag-ere  niini sa ALLTV, A2Z, Kapamilya Channel, Kapamilya Online Live sa YouTube ug Facebook, iWant, ug TFC.

Kapin na sa tulo ka dekada  ang “ASAP” nga naghatod og mga pasundayag sa pagkanta, pagsayaw ug talento sa  mga artista.