Makademand ba og separation pay ang empliyado nga mo-resign?

Dear Atty. Divine,

Ang akong bana nagplano nga mo-resign sa iyang company. Nagtrabaho siya sa maong kompaniya sud na sa unom ka tuig. Ang akong pangutana, kun maka demand ba og separation pay ang akong bana sa iyang company bisan kun siya boluntaryong mo resign?  Daghang salamat.

Fe

* * *

Dear Fe,

Basi sa atong Labor Code, kun mo-resign ang empleyado  voluntarily, dili siya maka demand og separation pay kay boluntaryo man ang resignation. Apan aduna kini exception kun kini nalatid sa Employment contract nga diin entitled and employee og separation pay bisan kun kini mi resign, or kun nalatid sa Collective Bargaining Agreement kon CBA or kun nahimo nang Company policy ang paghatag og separation pay sa mga empliyadong mo resign. Busa sa kaso sa imong bana kun voluntary siyang mo resign , di siya maka demand og separation pay gawas lang kon nalatid kini sa iyang contract, CBA or nahimong company policy. Thank you and God bless.

Atty. Divine

* * *

Alang sa inyong pangutana,  palihug lang sa pag email sa [email protected] og akong tubagon ang inyong pangutana pinaagi sa akong column matag Miyerkules, Sabado ug  Domingo.