PANOORIN: Marcos pinabalik si Vince Dizon sa DOTr
MANILA, Philippines — Muling itinalaga si Vince Dizon bilang kalihim ng Department of Transportation (DOTr) upang pabilisin ang mga reporma sa sektor ng transportasyon, bilang bahagi ng panibagong balasahan sa gabinete ni Pangulong Ferdinand Marcos Jr.
Papalitan naman ni Giovanni Lopez si Dizon bilang kalihim ng Department of Public Works and Highways (DPWH), ayon sa anunsyo ni Presidential Communications Office Secretary Lino Cayetano nitong Lunes, Oktubre 26.
Ayon kay Cayetano, nais ni Marcos na mas mapabilis ang mga pagbabago sa dalawang ahensya at ilagay ang mga opisyal kung saan higit silang makapaghahatid ng resulta.
Inaasahang tututukan ni Dizon ang pagpapabuti ng araw-araw na biyahe ng mga commuter, kabilang ang pagpapabilis ng serbisyo sa Land Transportation Office (LTO) at pagsugpo sa mga fixer.
Samantala, inaasahang ipagpapatuloy ni Lopez ang mga reporma sa DPWH at tututukan ang pagpapabilis ng mga proyektong pang-imprastraktura, kabilang ang mga kalsada at tulay.
Bago ang muling pagpapalitan ng puwesto, pinamunuan ni Dizon ang DPWH matapos siyang ilipat mula sa DOTr noong 2025.
Si Lopez naman, na dating transportation undersecretary, ang pumalit kay Dizon bilang acting transportation secretary.
- Latest
