Baby Dolls, manghugyaw sa “Meme”

CEBU, Philippines — Padayon sa pagdalit  sa ilang kusog ug makalingaw nga musika ang breakout girl group nga Baby Dolls pinaagi sa ilang bag-ong dance anthem nga “Meme.” Human sa kalampusan sa ilang mga viral hit nga “Oohh Lala Baby” ug “Ikembot Mo,” naglawig ang popularidad sa maong grupo.

Ang “Meme” kay nagdala og   sadya nga upbeat energy nga naandan nga estilo sa Baby Dolls.  Gigama  ug giprodyus  ang maong kanta ni Christian Martinez, samtang si Albert Tamayo ang arranger. Si StarPop label head Roque “Rox” Santos usab ang nagsilbing supervising producer. Ang choreography kay  gimugna mismo sa Baby Dolls uban ni Renz Januz Bercasio.

Gilangkoban sa pito ka miyembro ang Baby Dolls nga sila Arianne Dela Cruz, Chole Florendo, Eriel Reyes, Ina Ortega, Jelai Ahamil, Johaira Moris ug Juby Sabino. Madungog na sa nagkalain-laing digital streaming platforms ang bag-ong single nila nga “Meme.”

Belle, nagmaya  sa BTS concert

 Wala pa gyud nahupas ang  gibating kalipay sa aktres nga si Belle Mariano human siya nitan-aw sa  konsyerto  sa  K-pop group nga BTS nga “Arirang World Tour” sa Los Angeles.

Suma pa ni Belle nga dili gyud niya malimtan  ang maong kasinatian. “Post-concert euphoria,” niya pa. 

Pag-arte sa bgyo, hukman sa “Vertical on Demand”

Naghatag og nagkalain-laing istorya sa gugma ug kilig ang mga miyembro sa BGYO nga sila Gelo, Akira, JL, Mikki ug Nate isip mga leading men sa ilang bag-ong microdrama series nga “Vertical On Demand.”

Gikatahong gibase kini  sa mga kanta gikan sa ilang latest EP nga “On Demand,” nga nakahipos  na og 2.5 million streams sa Spotify.

Sa unang episode nga “Life’s Too Short,” bida sila Akira, JL ug Reign Parani.

Mag-uban  usab sila  JL ug Joy Barcoma sa ikaduhang episode nga “Mean Girl.”

Mas emosyonal usab ang istorya sa ikatulong episode nga “Raindrop,” nga gibidahan  nila Gelo ug Alexa Ilacad.

Sa labing bag-ong episode  nga “Trono,” mag-uban usab sila Mikki ug Nate.

Ang “Vertical On Demand” kay makita sa BGYO Official YouTube channel, samtang ang mga unod sa ilang “On Demand” EP kay madungog  sa nagkalain-laing digital streaming platforms.