2 bagong milyunaryo: Grand Lotto 6/55, Megalotto 6/45 jackpot sabay tinamaan
MANILA, Philippines — Solong napalunan ng isang taga-Quezon City ang P8.91 milyong jackpot prize ng Megalotto 6/45 habang isang taga-Taguig naman ang nakakuha ng P29.7 milyong jackpot ng Grand Lotto 6/55 — ang lahat ng ito sa iisang araw lang.
Lunes lang nang ibola ng Philippine Charity Sweepstakes Office (PCSO) ang mga numerong 22-08-20-02-01-45 para sa Megalotto 6/45 draw.
Nabunot naman ang winning combination na 11-17-28-06-09-01 para sa Grand Lotto 6/55 sa parehong araw.
"One (1) winning ticket was bought in Novaliches, Quezon City," wika ng PCSO sa isang pahayag, Martes.
"One (1) winning ticket was bought in Central Signal, Taguig City."
Lahat ng mga napalanunang ito ay dapat makubra ng mga may ari ng ticket isang taon matapos ang petsa ng pagbunot ng mga numero.
Kung sakaling bigong ma-claim ang premyo sa naturang time period, isusuko ang nasabing pera para maging bahagi ng Charity Fund ng PCSO.
"Prizes above Php10,000.00 are subject to 20% tax pursuant to TRAIN Law," dagdag pa ng ahensya.
Ilang araw pa lang ang nakalilipas nang tamaan ng isang taga-Bacoor, Cavite ang Superlotto 6/49 draw nitong ika-1 ng Hunyo, dahilan para mapalanunan niya ang nasa P58,995,238.20 jackpot prize. — James Relativo
- Latest
