P285 milyong pananim sa Cagayan napinsala ni Quiel
TUGUEGARAO CITY, Cagayan, Philippines — Umabot sa inisyal na P285 milyon ang halaga ng napinsalang mga pananim sa nagdaang pananalasa ng tropical depression Quiel sa hilagang Cagayan noong Sabado.
Ayon kay Department of Agriculture Regional Executive Director Narciso Edillo, inaasahan nilang tataas pa ang halaga kapag humupa na ang baha sa ilang bahagi ng Cagayan at maisagawa ng kabuuang estimasyon sa lawak ng pinsala.
Aniya ang assessment ay naisagawa pa lamang sa 9 mula sa 11 munisipalidad na apektado sa hilagang Cagayan.
Pangunahin sa mga nasalanta ay palay at high value crops, ani Edillo.
Idinagdag ni Edillo na isasagawa pa lamang nila ang damage assessment sa pinsala ng livestock o alagang hayop.
Samantala, inihayag ng Cagayan Risk Reduction Management Office na nagsimula nang magbalikan sa kanilang mga tahanan ang mga nailikas sa baha habang bukas na rin ang mga pangunahing lansangan sa trapikong nag-uugnay sa Ilocos at Cagayan Valley region.
- Latest