6 tiklo sa P18-M pekeng sigarilyo
NORTH COTABATO , Philippines – Anim na Tsino ang naaresto makaraang makumpiskahan ng P18-milyong halaga ng pekeng sigarilyo na naka-imbak sa anim na bodega sa Davao City, ayon sa ulat kahapon.
Nakatakdang kasuhan ang mga suspek na sina Jianqun Shi, Meiqun Shi, Chunqin Shi, Lianzai Shi, Tianpei Shi at isa pang nakakulong ngayon sa San Pedro Police Station.
Base sa 48 search warrants na inisyu ni Judge Retrina Fuentes Regional Trial Court Branch 10, sinakalay ng grupo ni P/Chief Inspector Johanna May Lagundi ang anim na bodega sa Barangay San Pedro sa bayan ng Buhangin; Barangay Rivera sa bayan ng Bajada; F. Bangoy; 6th Avenue, Agdao; at sa Sta. Ana Avenue sa Barangay Agdao, Davao City.
Kasama ng mga awtoridad ang mga kinatawan ng tobacco corporation na sinasabing nagreklamo kaugnay sa kumakalat na pekeng sigarilyo sa Davao Region.
- Latest
