Bumili ng mga gamot sa botikang accredited ng DOH
MANILA, Philippines – Mas makabubuti kung sa mga accredited na botika at parmasyotika ng Department of Health (DOH) bibili ng mga gamot.
Ito naman ang payo ng DOH kung saan nakasaad sa advisory nito na ang generic drugs at mga branded na gamot ay magkasingbisa lamang, ngunit mas mura naman ang generic drugs.
Ngunit paalala pa ng DOH, dapat sa mga accredited lang nilang botika bumili ng mga naturang gamot upang matiyak na hindi peke ang mga ito.
Kailangan din na rehistrado sa Food and Drugs Administration upang makasiguro sa kuwalidad at ligtas.
“Purchase generic drugs only from drugstores that are accredited or registered by the Food and Drug Administration to ensure their quality, efficacy and safety,” pahayag pa ng DOH sa advisory nito na ipinaskil sa kanilang Facebook at Twitter accounts.
Ang panawagan ng DOH ay kaugnay pa rin sa isinusulong na Republic Act No. 6675, o ang Generics Act of 1988, para matamo ang universal healthcare.
Sa ilalim ng Generics Act, inaatasan ang mga doctor na magreseta ng generic drugs bilang opsyon sa mga mamamayan na nais bumili ng mas murang gamot.
- Latest
