‘Cashpoint’ hindi raw checkpoint ang ginagawa ng PNP sa motorcycle riders

MANILA, Philippines - “Cashpoint” at hindi checkpoint ang ginagawa ng Philippine National Police (PNP) sa mga nag­ mo­motorsiklo.

Ayon kay Atoy Sta. Cruz, director for Admi­nistration ng Motorcycle Philippine Federation sa ginanap na Balitaan sa Tinapayan, bagama’t hindi siya tutol sa ipina­patupad na checkpoint ng ka­pu­lisan, hindi naman ito kum­binsido sa pro­seso ng pag-iinspeksiyon.

Aniya, tila hindi naman ang “violations” ang hinaha­nap ng mga awtoridad  kung nag-iins­peksiyon sila sa mga nagmomotorsiklo kundi “pera”.

“Di ba kung iniinspek­siyon nila ang mga nagmomotorsiklo ay inaalam kung may dala itong patalim o baril, pero hindi ganun ang nangyayari kundi tila “pera” ang hinahanap.

Paliwanag pa ni Sta. Cruz na kung wala uma­nong nakitang violations ang mga awtoridad ay hinahanapan ang mga nag­momotorsiklo ng ibang violations katulad ng diperensiya sa ilaw, makina o kahit ano pang violations na dapat ay trabaho na umano ng Land Transportation Office (LTO).

Plano ulit ni Sta. Cruz na makipagdayalogo sa pamunuan ng PNP para sa kanilang karaingan.