Insurance sa sasakyan minamadali sa Kamara
MANILA, Philippines – Pinaaaksyunan na ni Ang Kasangga partylist Rep. Teodorico T. Haresco, Jr. sa Kongreso ang panukalang nag-aamyenda sa umiiral na Insurance Code of the Philippines.
Sinabi ni Haresco, layon nitong maisingit ang probisyon na nagbibigay ng proteksyon o insurance sa mga sasakyan mula sa tinatawag na mga natural disaster tulad ng pagkawasak na idinulot ng mga bagyong Ondoy at Pepeng noong 2009.
Ayon kay Haresco, dapat agad talakayin at pagtibayin ang ipinupursige nitong House Bill 2672 sa sandaling magbalik ang sesyon sa Enero.
Sabi ni Haresco, bukod sa maraming buhay ang kinuha ng mga bagyo ay bilyong halaga ng mga imprastruktura at pribadong pag-aari ang nawasak.
Ayon kay Haresco, dumanas din ng hirap at kawalan ang mga may-ari ng sasakyan kahit may sinasabing comprehensive insurance plan na kanilang pinondohan ay hindi naman kasama sa sasagutin ang pagkasira dulot ng bagyo.
Gayunman, sa panukala ni Haresco, nais nitong ihanay sa car insurance coverage ang mga kalamidad tulad ng baha, landslide, bagyo, pagputok ng bulkan, lindol at iba pa.
- Latest
- Trending