Bagong presidente, bise pres. ipoproklama sa Miyerkules

MANILA, Philippines - Siniguro kahapon ni Senate President Juan Ponce Enrile na tuloy na tuloy ang proklamasyon para sa bagong pangulo at bise-presidente sa darating na Miyerkules.

Ayon kay Sen. Enrile, ngayong ala-1 ay mu­ling magpupulong ang Kamara at Senado bilang National Board of Canvasser upang ituloy ang pagbibilang sa nalalabing 5 COC’s.

Sa huling canvassing noong Huwebes ay na­ngunguna pa rin si Sen. Noynoy Aquino sa pa­ngu­luhan habang lamang si Makati Mayor Jejomar Binay kay Sen. Mar Roxas.

Naniniwala si Binay na kahit bilangin ang natitirang COC ay lalamang pa siya ng 700,000 kay Roxas.