'Resurrection' daan ng pagbabago
MANILA, Philippines - Malaki ang paniniwala ni Manila Archbishop Gaudencio Cardinal Rosales na ‘resurrection’ ang magiging senyales ng pagbabago ng bansa mula sa iba’t ibang problema at kalamidad na pinagdaanan.
Sa kanyang Easter Message, sinabi ni Rosales na hindi pahihintulutan ng Panginoon na muling danasin ng bansa ang pinagdaanan nito kung saan naapektuhan ang sanlibutan mula sa mga dumating na kalamidad.
Aniya, ang muling pagkabuhay ng Panginoon ay magiging daan para makamit ng Pilipinas ang lubos na pagmamahalan, pagkalinga ng bawat isa at ang kapayapaan at ang pagtatapos ng kasakiman ng iilan sa pera at kapangyarihan.
Bukod dito, ang muling pagkabuhay na sinusundan ng halalan ay indikasyon lamang na magkakaroon ng maayos na eleksiyon at mamumuno para sa bansa. (Doris Franche)
- Latest
- Trending