CARP extension law pirmado na

Plaridel, Bulacan, Philippines – Ni­lagdaan na kahapon ni Pa­ngulong Arroyo ang Comprehensive Agrarian Reform Program extension with reform (CARPer) upang lalong palakasin ang programang agraryo ng pamahalaan.

Palalawigin ng 5 taon ang pagpapatupad ng CARP kasabay ang pagla­laaan ng P100 bilyon para sa land acquisition, distribution gayundin sa support services, agrarian justice delivery at iba pang funding requirements sa pag­papatupad nito sa loob ng 5 taon.

Sinaksihan nina Senate President Juan Ponce Enrile, Sen. Gringo Hona­san na principal author ng Senate version, House Speaker Prospero Nogra­les, DAR Sec. Nasser Pa­ngandaman, Finance Sec. Margarito Teves, Bulacan Gov. Jonjon Mendoza at iba pang national at local officials, ang paglagda ng Pangulo sa CARPer law na ginanap sa Don Cesario San Diego Gym sa bayan ng Plaridel.

Sa ilalim ng CARPer law ay lumawak ang sakop ng batas dahil mapapa­sama na rito ang lahat ng public at private agricultural lands at iba pang lupain na potensyal sa agrikultura.

Pinangunahan din ni Pangulong Arroyo ang pag­kakaloob ng pagkilala sa mga nanalo sa Gawad Pitak award ng Land Bank of Philippines (LBP) saka nagtungo si Mrs. Arroyo sa Meycau­yan, Bulacan upang panga­siwaan din ang pagpapa­sinaya sa water system projects ng gobyerno.

Nagtungo din ang Pa­ngulo sa Libacao, Aklan para pasinayaan ang mga government projects dito gayundin ang pamama­hagi ng cash grants sa mga beneficiaries ng “Pantawid Pamilyang Pilipino Program. (Rudy Andal)