Suporta kay Gibo dumarami

MANILA, Philippines - Patuloy na dumarami ang mga grupo at sektor na sumusuporta sa pag­kan­didato ni Defense Secretary Gilbert “Gibo” Teo­doro sa halalang pampa­nguluhan sa susunod na tao.

Bago pa man siya nanumpa bilang bagong kasapi ng makaadminis­trasyong Lakas-Kampi-CMD kamakailan, sinalu­bong siya ng suporta ng mahigit 2,000 lider ng iba’t ibang organisasyon. May 15 non-government orga­ni­sasyon mula sa marali­tang tagalunsod, transpor­tasyon, beterano, mangi­ngisda at magsasaka ang naghayag ng suporta nila sa kalihim.

Nandyan din ang mga kinatawan ng Tarlac, mga kaeskuwela at mag-aaral sa Xavier School, at ma­ging ng Filipino-Muslim Community na pinangu­ngunahan ni Sultan Bu­zar Masiu Topaan Diso­mim­ba, Chairman ng Sixteen Royal Sultanate ng Lanao.

Ayon kay Bert Mag­daluyo, presidente ng Alliance of Manila Bay Fisher­folk, marami na silang naririnig na magagandang programang pinaplano ni Teodoro para sa kanilang grupo at ang pinaka na­gustuhan nila ay ang pro­gramang pang Edukasyon kung saan lahat ng high school graduate ay mabi­bigyan ng pagkakataong mag apply ng student loan para makapag-aral ng college or vocational course.    

Ayon naman kay Tonino Habana, coordinator ng Friends of Gibo, “once and for all, let’s chose the best”. Idinagdag pa nitong si Teodoro ay bar topnotcher at graduate sa Harvard kung saan ang isa sa mga nagturo dito ay ang isa sa pinakama­galing at batikang abo­gado sa Pilipinas na si Estelito Mendoza. (Butch Quejada)