Cordova bagong SC Associate Justice
MANILA, Philippines — Itinalaga ni Pangulong Ferdinand Marcos Jr. si Commission on Audit (COA) Chair Gamaliel Cordoba bilang bagong Associate Justice ng Supreme Court (SC).
Sa anunsiyo ni Palace Press Officer Claire Castro, papalitan ni Cordoba si Associate Justice Amy Lazaro Javier na nagretiro ngayung Nobyembre 16 dahil sa mandatory age retirement na 70.
Hindi naman matukoy pa sa ngayon ni Castro kung sino ang papalit kay Cordoba sa COA bilang chairman.
Kasabay nito inanunsiyo rin ni Castro ang rigodon sa revenue and investment team ng pamahalaan para sa mas malinaw na pagtutok sa pag-develop sa economic zones para mas maraming mahikayat na investors at trabaho para sa mga Filipino.
Una nang itinalaga ng Pangulo si dating Bureau of Customs (BOC) Commissioner Ariel Nepomuceno bilang bagong Bases Conversion and Development Authority (BCDA) chief.
Habang si Eng. Jake Bingcang na dating president at CEO ng BCDA ay magsisilbing director General ng Philippine Economic Zone Authority (PEZA).
Papalitan naman ni Charlie Mendoza si Nepomuceno bilang commissioner sa BOC , habang nagsilbi rin siyang commissioner ng Bureau of Internal Revenue (BIR).
Magsisilbi namang BIR Commissioner si Rolando Ligon Jr. na nagsilbing undersecretary ng Department of Finance.
Sa kabila ng natitirang dalawang taon sa panunungkulan ni Pangulong Marcos, nakikita rin aniya ng presidente ang mga taong nararapat na makasama at manatili sa administrasyon at kanilang mga potensyal.
Sa tanong kung mayroong pang susunod na rigodon sa gobyerno, sagot ni Castro “Let us see.”
- Latest
