83 domestic flights kanselado kay ‘Frank’

Kinansela kahapon ng Manila International Airport Authority (MIAA) ang 83 domestic flights sanhi ng patuloy na pag­sungit ng panahon dulot ng ma­lakas na bagyong Frank.

Sa inilabas na flight advisory ng MIAA da­kong alas-2 kahapon ng ha­pon, kanselado ang 26 na domestic flight ng Cebu Pacific, Asian Spi­rit 8, Sea Air 21, Philippine Air Lines 16, at Air Philippines 12.

Wala namang apek­tadong flight ang international flight subalit patuloy na minomonitor ang ka­lagayan ng panahon.

Ayon kay Engr. Bing Lina, Operations Chief ng MIAA, nagsasagawa ng contingency measures ang MIAA sakaling du­maan ang bagyo sa Metro Manila.

Idinagdag pa ni Lina na wala pang tiyak na schedule kung kailan lilipad ang mga kansela­dong flights.

Samantala, napag-alaman na magkakaroon ng emergency meeting ang PAL para sa posib­leng gawing evacuation sa lahat ng kanilang aircraft upang dalhin sa isang ligtas na lugar kung patuloy na susungit ang panahon. Nasa standby status ang lahat nitong piloto. (Butch Quejada)