Villar at Roxas sa 2010
Inaasahan na ang pagsasagupa nina Senate President Manuel Villar Jr. ng Nacionalista Party at Sen. Mar Roxas ng Liberal Party sa 2010 presidential elections matapos na parehong pinag-hahandaan na ng mga ito ang grassroot level ng kani-kanilang partido.
Nakatakdang iluklok ng LP sa gaganaping convention nito sa Club Filipino ngayong umaga si Sen. Roxas bilang pangulo ng partido habang pangungunahan naman ni Sen. Villar sa Miyerkoles ang ika-100 taong anibersaryo ng NP na gaganapin naman sa Philippine International Convention Center (PICC).
Sinabi ni dating Senate President Franklin Drilon, ang pag-upo ni Roxas bilang pangulo ng LP ay bilang paghahanda nito sa kanyang presidential bid sa 2010.
Kabilang sa mga inaasahang dadalo sa LP convention ngayong umaga ay sina dating Pangulong Cory Aquino, dating Senate President Jovito Salonga, Judy Araneta Roxas at iba pang LP leaders.
Samantala, pinapalakas na rin ni Sen. Villar ang NP kung saan ay magdaraos ito ng ika-100 anibersaryo sa Miyerkoles ng gabi sa PICC kung saan ay inaasahang dadalo ang mga dating NP leaders. (Rudy Andal)
- Latest
- Trending
