Bangkay ng napatay na Marines pinakasalan ng gf

“Till death do us part.”

Ito ang pinatunayan     ni Jenny, nobya ng napa­tay na si Marine Sgt. Rey Ca­lueng, matapos niyang pakasalan ang nobyo   kahit isa na itong bangkay.

Para kay Jenny, hindi hadlang ang kamatayan para patunayan ang kan­yang wagas na pagma­-ma­hal kay Rey.

Sa isang simpleng     se­remonya kamakalawa bago inilibing si Rey ay iki­nasal ang dalawa sa Tu­ guegarao City, Cagayan. 

Si Rey ay kabilang sa 14 miyembro ng Marine Battalion Landing Team (MBLT) 8 na napatay sa isang engkuwentro sa Basilan noong Hulyo 10. Sam­ pu sa kanila ay pinu­gutan pa ng ulo.

Nabatid na bago ma­matay si Calueng ay iti­nakda na nito sa Agosto ang pagpapakasal kay Jenny, tubong Lanao del Sur, upang maging legal ang pagsasama nila. May­roon na silang 3-taong-gulang na anak.

Binigyang diin ni Jenny na kailan­man ay hindi mapapalitan sa kanyang puso ang nobyo na tina­wag niyang bayani dahil sa katapangang ipinakita      sa pagtupad ng tungkulin. (Joy Cantos)