Pamilya ng 4 Magdalo pumalag sa shoot-to-kill

Umalma kahapon ang pamilya ng apat pang pinaghahanap na puganteng Magdalo sa inisyung "shoot-to-kill" ng AFP laban sa mga ito.

Ayon sa pamilya nina Capt. Nathaniel Rabonza, 1st Lts. Lawrence San Juan, Patricio Bumidang, Jr. at Sonny Sarmiento, sobrang lupit para i-shoot-to-kill ang kanilang mga mahal sa buhay na naninindigan lamang sa kanilang ipinaglalaban sa pagmamahal sa bayan. Hindi anila mga kriminal ang apat para basta na lamang ipapatay.

Idinagdag ng mga ito na reporma o pagbabago sa bulok na sistema sa AFP ang isinusulong ng apat at hindi makatarungan na sa paglaban nila sa katiwalian ay kamatayan ang isukli sa mga ito. (Joy Cantos)