Kamag-anakan ni Dacer umapela sa mga kidnaper

Nanawagan kahapon ang mga kamag-anak at kaibigan ni public relations man Salvador "Bubby" Dacer sa kanyang mga kidnaper na makipagnegosasyon na sa kanyang pamilya para malaman na kung ano na ang nangyari sa kanya.

"Parang hindi tinatangkang kontakin ang mga miyembro ng pamilya. May mga tawag pero wala silang impormasyon hinggil sa kanyang pagkawala," sabi ng isang kaibigan ni Dacer.

Umaasa silang buhay pa ang 66-anyos na PR man kaya nakikiusap sila sa mga kumidnap sa kanya na palayain na ang biktima makaraang makuha nila ang mga dokumentong may kinalaman sa impeachment trial ng Pangulo at ang iba pang kaukulang impormasyon. (Ulat ni Christina Mendez)