Propesyonal gyud

CEBU, Philippines — Tsika pa ni Angel Locsin nga dili basta-basta ang pagka-propesyonal ni Maricel Soriano sa trabaho. Suma pa sa aktres nga  sayo  gyud kaayo molugwa  si Maricel sa set  sa seryeng The General’s Daughter. Dunay higayon nga niabot ang beteranang aktres, duha ka oras sa dili pa ang iyang call time.

Naghinam-hinam sa resulta

Nagpanikad na gyud si  Vice Ganda sa mahimong resulta sa iyang Metro Manila Film Festival entry nga  Fantastica. Nakita usab niya nga nalingaw og maayo sa pagama  sa maong pelikula ang co-stars niya nga sila si Dingdong ug Richard. “Ang ganda ng dynamics nina Dingdong at Richard sa pelikula dahil friends pala talaga sila in real life. Walang tensyon o walang bigat sa kanilang dalawa. Excited na akong mapanood ang pelikula nang buo,” saysay pa ni Vice.

Mag-artista ang anak

Mosulod na sa showbiz world ang anak ni Joko Diaz nga si Ashley. Ang  Viva Artists Agency maoy mohupot sa career ni Ashley. Excited na kaayo ang anak ni Joko sa  mga proyekto nga ihatag sa Viva kaniya.

Naanad na

Naanad na si Gabbi Garcia sa  mga ipanulti sa iyang bashers  busa dili na siya manumbaling niini aron maka-focus siya sa iyang trabaho. Busy si Gabbi sa taping sa seryeng Pamilya Roces.

Milangkat og kasaysayan

Ang transgender nga si Iyah Mina maoy best actress sa Cinema One Originals alang sa pelikula Mamu (And a Mother Too). Siya ang labing una nga transgender actress sa  Philippine history nga nakalangkat sa maong award.

Pasumbingay ni Kris

Ganahan na mo-move on si Kris Aquino sa ABS-CBN  ug nakaingon siya nga pilion niya ang network  nga mopili pud kaniya. “Choose the ones who choose you. Makes life simple & makes me grateful,” tipik sa iyang post sa Instagram.

Jay-R ug Mica engaged na

Engaged na si Jay-R ngadto sa iyang longtime girlfriend  nga si Mica Javier. Nahitabo ang wedding proposal niadtong Dominggo sa gabii sa usa ka hotel didto sa kaulohan. Saksi gyud niini ang tagsa-tagsa nila nga pamilya ug mga higala.

Dili law-ay

Gitataw ni Jake Cuenca nga dili law-ay ang iyang sexy photo shoot ug usa kini ka maayong pamaagi sa pag-promote sa iyang kaugalingon. Nasayran nga trending kaayo sa social media sukad pa sa miaging semana ang sexy photos sa aktor.

Andrea magminaldita

Tsika pa ni Andrea Brillantes nga sa labing unang higayon, modala siya isip kontrabida sa usa ka serye. Mahitabo kini sa bag-ong show sa ABS-CBN nga Kadenang Ginto. “Sobrang bago siya sa akin so gusto kong sobrang galingan ko dahil ito po ang first ko bilang kontrabida,”tsika pa niya atol  sa iyang paglugwa sa morning show nga Magandang Buhay.

Balanse sa oras

Gawas sa showbiz, busy usab si Thea Tolentino sa iyang pag-eskwela. Tinun-an siya sa  kursong Public Administration sa Trinity College sa E. Rodriguez, Quezon City. Suma pa ni Thea nga dili gyud niya mahimong pasagdan ang iyang pag-eskwela busa todo balanse gyud siya sa iyang pagdumala sa iyang oras.

Matinabangon nga superstar

Nikatap karon sa social media ang pag-apod apod og kuwarta ni  Superstar Nora Aunor sa mga kabos nga bata. Giingong  dali ra gyud malouy si Nora sa mga tawo nga paet  kaayo og kahimtang.