Wala na’y chance

Giasoy sa Asia's Songbird Regine Velasquez nga sa pagkakaron, hanap pa ang posibilidad nga magkauban sila og balik sa SOP singers kini human gitak-opan ang maong variety show sa GMA-7 walo ka tuig na ang nilabay. "You'll never know kasi iniwan na nila tayong lahat, nasa Channel 2 na sila, mga bastos sila," komedya pa ni Regine.

Taas og  pangandoy

Dugay na matud pa nga gipangandoy sa aktres nga si Chynna Ortaleza nga mahimong executive o dakong opisyal sa usa ka TV network ugma damlag. “Kasi nung eighteen ako, tinanong nila sa akin, ‘Anong gusto mong ma-achieve bilang actor, gusto mo bang magka-award?’ Ang isinagot ko, gusto ko pong maging head ng GMA,"hinumdum pa sa Kapuso actress.

Migradwar na

Nigradwar na gyud niadtong Sabado ang Kapamilya hunk actor JM de Guzman sa three-year drug rehabilitation program niini. Kahinumduman nga naadik sa ginadiling drugas ang aktor maong gisulod kini sa iyang mga ginikanan sa usa ka rehabilitation center didto sa Batangas. Nag-post sa Facebook ang amahan ni JM og mga hulagway nga kuha atol sa iyang graduation.

Gimingaw ni Ylona

Grabe na kapuno sa schedule sa  ex Pinoy Big Brother housemate Bailey May human nalakip sa international group nga Now United ug tungod niini gimingaw na matod pa siya sa iyang kanhi ka- love team nga si Ylona Garcia. “Of course, [I miss her]. I’ve worked with Ylona for many years so, of course, she’s very valuable to me because of working with her at the time, but then again we’re separating with our own journey,"sigon pa sa batan-ong aktor.

Midayeg  kang Christian

Gidayeg sa Asia's King of Talk Boy Abunda ang gihimong pagpaubos sa iyang talent nga si Christian Bables ug pagpangayo og pasaylo niini ngadto sa gikasumpaking direktor nga silang Jun Lana ug Perci Intalan. "Tama lamang na he humbled himself. Tama lamang na nag-apologize siya. So, tuwang-tuwa ako because Christian is a wonderful boy,"sigon pa ni Tito Boy.

Angayan gihapon

Gikalipay matod pa sa Kapuso actress Jennylyn Mercado nga daghan gihapon ang nakauyon sa panagpares nila og balik onscreen sa The Cure co-star Mark Herras. "Niloloko lang po kami palagi sa set. Nakakatuwa, kasi sila rin yung mga una naming direktor at mga nakasama nung show namin, yung Forever In My Heart,"ni Jennylyn pa.

Marawi movie

Mahinayon na gyud ang Marawi movie project nga nag-ulohan og  Children of The Lake. Pagabidahan kini sa mga dagkong bitoon sa Philippine showbiz nga silang Mylene Dizon, Piolo Pascual ug Robin Padilla. Ang maong pelikula ubos sa direksyon ni Sheron Dayoc ug sa  producer nga si Direk Joyce Bernal. Ipasalida kini sunod tuig.

Pabiling mapaubsanon

Nakadayeg si Andrea Torres ngadto sa higalang aktor nga si Alden Richards tungod sa pagkamapaubsanon niini bisan pa man sa tanang kalamposan nga naangkon niini isip  artista. "Mabait talaga siya! Nakakabilib yung pagka-humble niya after ng lahat ng success na nakamit niya. Nakakatuwa lang na walang nagbago sa kanya,"sigon pa sa GMA-7 star.

Lifetime Achievement Award

Nakadawat og Original Pinoy Music Lifetime Achievement Award ang composer nga si Vehnee Saturno tungod sa dakong natampo   niini sa OPM music diin niabot na siya og 38 ka tuig sa music industry. Gidawat niya ang maong award atol sa MOR Pinoy Music Awards 2018 nga gidumala sa FM station sa ABS-CBN.