Request Granted

Sila Si Dingdong Dantes ug Richard Gutierrez gyud maoy leading men ni Vice Ganda alang sa iyang Metro Manila Film Festival movie entry karong Disyembre. Suma pa ni Vice, gi-request niya ang duruha ug gihatag gyud ang iyang gipangayo.

General Statement

Daling giklaro ni Glaiza de Castro nga wala siyay gipadungdungog o giigo sa iyang tweet niadtong Biyernes sa gabii diin nangutana siya kon makatarunganon ba nga ibanan imong sweldo kon ma-late ka, apan wala kay overtime pay bisa’g 24 oras ka nga nagtrabaho. Suma pa niya, general statement ang mao niyang tweet ug wala siyay intension nga mupasakit og isigkatawo.

Tigi sa ka sexy

Nahugyaw si Benjamin Alves sa daghang mga eksena ni Zoren Legazpi nga maghukas lang sa ilang teleserye sa GMA7 nga “Kapag Nahati Ang Puso” nga magsugod na ugma. Suma pa ni Benjamin nga nagtuo siya og nagkabaylo lang ang ilang mga ngalan, apan nakumpirma gyud niya nga para kang Zoren ang mga eksena. Bilib kaayo siya sa iyang co-star sanglit sa edad nga 46-anyos, sexy gihapon kini.

Loyal Kapuso

Giangkon ni Wynwyn Marquez nga nakadawat siya og offer gikan sa lain nga network ug nakahunahuna gyud nga mutapon, apan sa katapusan nahukman niya nga magpabilin sa GMA Network, hinungdan nga nipirma siya og exclusive contract niining bag-o lang. Matud niya, ang GMA-7 maoy naghatag niya og chance ug nag-umol niya hinungdan bawsan niya kini og loyalty.

Mag-enjoy usa

Giklaro ni Anne Curtis nga dili ang iyang action-movie nga “Buybust” maoy hinungdan nganong wala pa siya magmabdos. Suma pa niya, desisyon gyud nilang magtiayon nga dili usa maghimo og anak sa unang tuig sa ilang kaminyuon aron ma-enjoy nila ang usag-usa.