Inartista og tubag

CEBU, Philippines — Gibutyag ni  Janine Gutierrez nga mas maayo si Rayver Cruz ang pangutan-on kalabot sa ilang istado.  Hagbay ra nga gidungog ang duha nga duna’y relasyon kung basehan ang ilang mga  lihok.  Gitataw ni Janine nga malipayon silang duha ni Rayver.

Donita sa Seven Sundays

Duna’y   espesyal nga partisipasyon si   Donita  Rose    sa pelikulang  Seven Sundays .    Nitabang og  promote si Donita sa maong pelikula.  Taod-taod na nga wala makalugwa ang aktres sa pelikula.

Saad ni Baron

Miapelar si  Baron  Geisler sa publiko  nga unta hatagan siya og  tsansa  nga iyang mapamatud-an nga nag-usab na gyud siya.  Nasayran nga nalambigit ang aktor og mga kagubot kaniadto gumikan sa iyang pagkapalahubog.

Moral support

Motikang sa Pilipinas si Michelle Van Emieren  sa Pilipinas aron motan-aw  sa concert  ni Regine Velasquez karong October 21 sa Mall of Asia Arena.   Una na nga gisaad ni Michelle nga mohatag gyud siya og dakong suporta sa concert ni Regine.  Si Michelle maoy kanhi asawa sa  bana  ni Regine  nga si Ogie Alcasid.

Sagimsim

Sila si Lara Quigaman  ug Jay Manalo ang mga bida sa advocacy film nga Sagimsim .  Naghatag kini og impormasyon alang sa saktong pagpangandam kung duna’y mga kalamidad nga maabot sa nasud.

Birthday surprise

 Gisaulog ni Sarah Lahbati ang iyang 24th birthday niadtong Lunes.  Nitikang si Sarah sa gym ug wala niya damha nga dunay birthday surprise nga gidalit si Richard Gutierrez ug ang anak nila nga si Zion.  Nagdala kini og cake ug mga buwak.

Kuwarta  gyud

Gibutyag ni Ai Ai delas Alas nga praktikal siya nga pagkatawo  busa kuwarta ang gusto niya nga madawat  isip regalo gikan sa mga bisita  sa umaabot nga kasal nila ni  Gerald Sibayan karong Disyembre. Dako kini og matabang sa kaminyoon nila ni Gerald.

Nauyonan ra

Dako og pag-uyon si   Zsa Padilla kang  Robin Nievera nga uyab karon sa iyang anak nga si  Zia Quizon. Maayo matud pa  og batasan si Robin hinungdan nga wala gyud siya’y pagsupak niini.  Anak si Robin nila ni Martin Nievera ug Pops Fernandez.

Philippine Seas

Karong  November 5,   3:30 p.m. ang special documentary  ni  Atom  Araullo sa GMA nga Philippine Seas. Nagpanikad na si Atom sa mahimong reaksyon sa publiko niini.   Pamatud-an ni Atom ang iyang katakos sa pagama og documentary.

Carmi nakadawat na

Nadawat na sa  aktres nga si Carmi Martin kung pananglitan dili na gyud siya kakita og lalaki nga mahimo niyang ka-partner sa tibouk niya kinabuhi. Matud pa ni Carmi nga nalingaw ra pud siya sa iyang pagka-single. "Sa tingin niyo ba mag-aasawa pa ako?.For me, I already accepted that a certain portion of the population are blessed to get married. Siguro ako ang calling ko is to serve the Lord. I dedicated myself to the Lord. Siguro ako ang magiging ambassador of being single and happy,” suma pa ni Carmi sa interview niini sa Magandang Buhay kagahapon.

Erich ug Patrick sa MMK

Ang  aktres nga si Erich Gonzales maoy bida sa "Maalaala Mo Kaya" (MMK) karong  Sabado, Oktubre 14  ug makauban niya si Patrick Garcia.

Modala si  Erich sa karakter ni  Mae, ang babayeng nasakitan  apan  nahigugma ra pud og balik  human nakaila niya ang karakter ni Patrick isip Pio.

Mao kini ang labing una nga higayon nga magpares ang duha sa TV screen.  (Sanden J. Anadia)

Naplastar sa publiko ang numero

Sa usa ka  episode sa "Wildflower", aksidenteng  napakita ni  Vin Abrenica ang iyang  phone number sa  TV  hinungdan nga nakadawat siya og daghang tawag  ug  text messages.

Aduna pu’y higayon nga duna ‘y nanawag kaniya ug  giingnan siya og, "Isa ka ba sa mga tauhan ni Ivy Aguas? Paka-usap naman sa kanya?" . 

Giilisan na ni Vin og bag-o ang iyang phone number  ug nisaad nga dili na siya magtinanga. 

Mariel nag-sorry

Nangayo og pasaylo si Mariel de Leon sa  mga tawong  naigo  sa iyang  insensitive tweets.

“I admit that my emotions do get the better of me and the words I choose may come out wrong at times. For that , I do apologize. I'm still young but I know that isn'y an excuse. I'm still learning and going through life day by day,” tweet pa ni Mariel.

Kahinumdoman nga wala’y preno si Mariel sa pag-react sa nagkadaiyang isyu. Usa sa iyang giigo mao ang TV host nga si Joey de Leon kalabot sa komento  niini sa depresyon.  (BANAT NEWS)