Ikaw na Morissette!

CEBU, Philippines - Ang Kapamilya singer nga si Morissette Amon ang napilian ni Grammy winner nga si Michael Bolton isip co-host sa umaabot nga show niini nga “Bolt of Talent”. Usa kini ka talent search sa  Asya. Gipakita na usab ni Morisette sa iyang Instagram account ang hulagway nilang  duha ni Michael didto sa Rizal Park atol sa  unang adlaw sa shooting sa maong talent show.

Nangayo og pasaylo

Nangayo og pasaylo ang TV host nga si Robi Dominggo ngadto sa iyang ex-girlfriend nga si Gretchen Ho atol sa coronation night sa Binibining Pilipinas. Si Gretchen maoy  usa sa mga hurado niadtong gabhiuna. "Gusto kong sabihin na, sorry. Masakit, mahirap, pero kailangan. But trust me when I say this—during this process, I think I could honestly say I am saving up all my love for you”, suma pa ni Robi.

Nominated sa Tony Awards

Nalakip sa nominasyon  isip Best Performance by an Actress sa Tony Awards ang 21 anyos nga Fil-Am theater actress nga si Eva Noblezada. Si Eva midala sa karakter isip Kim sa revival sa  Miss Saigon sa New York.

Emosyonal sa launching

Wala gyud makapugong sa iyang emosyon ang kanhi miyembro sa Masculados nga si Orlando Sol kinsa bag-uhay lang naglusad sa iyang labing una nga solo album nga Emosyon. Mitulo gyud ang iyang  luha samtang gikanta ang awit nga Kailan Darating Ang Ayoko .

Mopahuway una

Mopahuway una makadiyot si Megastar Sharon Cuneta sa trabaho tungod kay dili maayo ang iyang gibati human sa sagunson niya nga taping ug menos lang ang iyang pahuway. Matud pa ni Megastar nga mobalik ra siya og mahuman na ang airing sa blind audition sa The Voice Teens.

Nakahilak

Emosyonal nga midepensa si Kris Bernal sa iyang kaugalingon ngadto sa iyang mga bashers. Tungod kini sa pagbatikos kaniya sa sobra niya nga kagamay human siya mi-pose sa usa ka magazine. Matud pa niya nga wala na siya kahibaw sa iyang buhaton ug gipugngan lang gyud niya ang iyang kaugalingon.

Ambassador sa UNAIDS

  Aduna na pu’y bag-ong kabisihan si  2015 Miss Universe Pia Wurtzbach human siya maoy napili nga ambassador sa Joint United Nations Programme sa HIV/AIDS o UNAIDS. Dakong garbo alang kang Pia  nga mahimong ambassador sa maong kalihukan gumikan kay mao gyud kini ang iyang unang plataporma sukad pa kaniadto. (BANAT NEWS)