Filipina nanghawod sa Paris Fashion Week
CEBU, Philippines - Ang usa ka Pinay nga modelo nga si Rina Fukushi kinsa gidayeg pag-ayo sa pipila ka press gumikan sa lahi nga kaanyag niini human kini nirampa sa bag-ohay lang nga Paris Fashion Week.
Matud sa writer sa nabantog nga Vogue magazine nga si Okwondu, ang “ultra cool vibe” ug ang linahi nga klase sa eye-catching beauty niini maoy nakapa stand-out sa maong half-Filipina model.
Si Rina nadiskobrehan sa usa ka model scout niadtong 14 anyos pa lamang kini ug nakarampa na sa entablado sa mga sikat nga mga event sul-ob ang mga sapot nilang Alexander Wang, Marc Jacobs, Bottega Veneta, Chlo, ug Miu Miu.
Sa dihang gipangutana kung unsaun niya pagdala sa mga pressure nga perming masinati sa usa ka modelo sa entablado, siya nagkanayon, “If I am confident that clothes look good on me, people don’t see anything wrong. So it doesn’t annoy me.”
Angel target ni Anne
Giangkon ni Anne Curtis nga dugay na gyud niya nga gipangandoy nga makauban si Angel Locsin sa usa ka pelikula.
Matud pa nga nagkauban lang sila kaniadto sa seryeng Ang Iibigin ay Ikaw Pa Rin sa dihang naa pa sila sa GMA-7.
Nagtinabangay karon pag-promote sila si Anne ug Angel sa tagsa-tagsa nila ka mga pelikula. Nalakip si Anne sa Bakit Lahat ng Gwapo May Boyfriend, samtang bida usab si Angel sa pelikulang Third Party. (BANAT NEWS)
- Latest