BFF
Sanden J. Anadia (Banat) - February 26, 2016 - 9:00am

CEBU, Philippines - Nagkasoud na og maayo luyo sa kamera sila si Susan Roces ug Bela Padilla gumikan sa seryeng Ang Probinsyano. Ni-post si Bella og video sa Instagram  kung diin kauban niya si Susan ug duna kini hashtag nga #BFF.

Kris motak-om na lang

Gitataw ni Kris Aquino nga dili na siya kinahanglan nga mohatag og komento kalabot sa  pagkamabdos sa uyab ni James Yap nga si Michela Cazzola. “The proper thing for me to do is just keep quiet. Bimb’s okay and that’s what matters to me,” suma pa ni Kris,

Mike mi-renew sa GMA

Magpabiling Kapuso ang GMA News personality ug  multi-awarded broadcast journalist nga si Mike C. Enriquez.  Ni-renew si Mike   sa iyang  kontrata sa GMA Network sa miaging adlaw. Mitambong sa contract signing sila si  GMA Network Chairman and CEO Felipe L. Gozon, President and COO Gilberto R. Duavit, Jr., EVP and CFO Felipe S. Yalong, ug  SVP for News and Public Affairs Marissa L. Flores.“Higit sa lahat, ito ay nagpapakita ng pagtitiwala ng pamunuan ng Network. Ito naman ay hamon din na huwag basagin ang tiwala nila na maging totoo sa ating sinasabi na magbalita ng walang kinikili­ngan at walang pinoprotektahan,” suma pa ni Mike.

Ikaw na gyud Lovi!

Nahugyaw si Lovi Poe gumikan kay ni-follow sa iyang Instagram account  ang Canadian actor nga si Torrance Coombs . Aduna’y bashers nga nasuya kang Lovi ug kever lang ang aktres niini. 

Album ni Ogie nahuman na gyud 

Malipayong gipahibalo ni Ogie Alcasid nga posibleng i-release karong Abril ang bag-o niya nga album nga duna’y unod nga wedding songs.  Suma pa sa singer nga tulo ka tuig niya nga gianam-anam og himo ang mga awit nga unod sa maong album.

Anak ni Vic engaged na!

Engaged na ang kinamanghoran nga anak ni Vic Sotto nga si Paulina ngadto sa hinigugma niini nga si Jed Salgado Llanes.  Nagpanikad na si Paulina  gumikan kay siya na pud ang mosunod og paso sa altar sa kaminyoon human sa nagmalampusong kasal ni Vic ug Pauline Luna.  

Phoebe manamilit sa magTV na!

Manamilit na ang Kapamilya TV host  nga si Phoebe Kaye Fernandez sa  Sunday magazine show sa ABS-CBN Cebu nga Mag-TV Na.

Gituyo kini aron maka-focus na si Phoebe sa morning show nga Maayong Buntag Kapamilya.

Dul-an na sa walo ka tuig ang Mag-TV na  ug padayon kini naglawig sa kahanginan. Makadaghan usab nga higayon nga nakadawat kini og Anak TV awards.

Ugma sa  Mag-TV Na, February 28 ,  ipakita ang farewell special  ni Phoebe    sa maong show.

Ang producer sa maong show nga si Adrian Diongzon nibutyag dinhi sa Banat News Hugyaw nga duna na sila’y napilian nga maoy mopuli sa slot ni Phoebe  ug ila kini ipaila-ila puhon sanglit padayon pa man ang negosasyon niini.

Samtang si Phoebe sa iyang bahin, dako ang iyang pasalamat sa tanang kaubanan niya sa Mag-TV Na gumikan daghan gyud siya og nakat-onan ug napun-an ang iyang mga higala gumikan sa maong show.

“I’m very grateful sa programang MagTV Na, It opened a lot of opportunities for me and it made me do things  that I wouldn’t imagine doing. It opened a new horizon and made my life memorable. Dako gyud kaayo sila’g natabang for my growth , both as person and as a host. Without the show and the people behind it, I wouldn’t be  who I am now  and where I am in my career. Seven years has been a wonderful ride. There were some challenges along the way, but it was all worth it,” suma pa ni Phoebe. 

Nagkadaiyang sitwasyon ang iyang nasaksihan sa maong show nga mahimo niya nga i-apply sa iyang kinabuhi.

“Through the show daghan kog nailhan nga mga tawo nga mas nipausab  sa akong panglantaw sa kinabuhi.  I may have touched their lives, but they just  don’t know how they touched mine.  And with my co-hosts, the friendship  I’ve developed  with them will never end with me  leaving the show.  As we always  say “once  a ka-mags, always a ka-mags,” saysay pa sa TV host.

Gihangop ni Phoebe  ang bag-ong hagit   ug masaligon siya nga daghan pa og maayong opurtonidad nga iyang masudlan sa pagsulod niya sa Maayong Buntag Kapamilya.

“I am extremely grateful pud with the opportunity that ABS-CBN has given me. Maayong Buntag Kapamilya  will be a different venue to showcase my skills, and I know  it will allow me with more opportunities for growth and maturity. Ako gyud perming bitbiton ang mga nakat-onan nako sa Mag-TV. Mingawin ko sa mga laag, sa mga tawo nga akong na-interview, sa whole MagTV experience  ug labaw sa tanan, sa staff, crew  ug akong co-hosts sa Mag-TV. But naa ra man gihapon ko. I will still be working in ABS-CBN. And I know, kanunay ra gyud mi magkita nila. So this is not be a goodbye. Rather, a sweet beginning,” panapos ni Phoebe.  

Brown Academy of Mucic

Gugmang niturok sa kadagatan

Buwan pa man sa gugma, nagpadayon gihapon ang paghatud sa Banat News Hugyaw sa love story sa pipila ka local personalities.

Ang  love story sa sikat nga Sugbuanong singer nga si Anna Fegi Brown ug sa  iyang bana nga si Adam Brown maoy hisgutan karong  adlawa.

Busy karong duha sa pagpadagan sa ilang music school nga ginganlan og Brown Academy of Music (BAM) nga nahimutang diha sa Door 201, A3 2nd Floor, Northgate Center, Gov. M. Cuenco Ave,, Banilad, Cebu City.

Namintinar sa duha ang senaryo sa magtiayong malipayon, kanunay gyud sila nga magkumustahay sa higayon nga duna sila’y tagsa-tagsa nga gilakaw.

Alang kanila, ang komunikasyon maoy usa sa lamas sa usa ka relasyon  aron  lisod kini nga gun-ubon.

QanA

Banat News Hugyaw:  Giunsa  ninyo nga pagkaila sa imong bana nga si Adam Brown?

Anna: Nagkaila mi ni  Adam sa ship nga  Royal Caribbean - Brilliance of the Seas. Siya ang musical director ug ako ang usa sa featured singer sa production cast.

Banat News Hugyaw:  Unsay dagan sa inyong love story.

Anna: Sa una namong pagkita, naa na siya sa ship sa dihang naabot nako. Wala pa ko’y  interest niya niadtong panahona kay di pa ko tantong available. Nibakasyon siya sa ilaha sa Ohio USA. Pagbalik niya after two months, available na ko. Ni-cruise ang igsoong babaye sa akong ex, ug siya ang nitupo-tupo  namong duha ni Adam. Didto nagsugod ang  sungog -sungog. At first wala lang, until sa Santorini Greece, usa sa among kauban na singer pod kauban sa iyang mga amigo nanggawas  ug gi-invite mi to join them. Didto nagsugod ang istorya -istorya. When we reminisce those times we both consider that as our first date.

Banat News Hugyaw:  Unsa’y nakapaaghat kanimo nga imong siyang gisugot?

Anna: Very respectful si Adam. Very hard working. Intelligent. Summa Cum Laude gud as music educator ug Passionate sa music. Maayo mu-handle og tawo. But most especially he loves his family and he is God fearing as well.

Banat News Hugyaw:  Ikapila na siya nga  lalaki nga nahimong parte sa imong kasing-kasing?

Anna: Hala. Pwede pass, hahaha.

Banat News Hugyaw:  Motoo ba ka og “forever”?

Anna: Yes. I am witnessing it everyday through my parents ug ang iyang parents pod ug iyang grandparents.

Banat News Hugyaw:  Nganong makaingon ka nga siya na gyud ang imong forever?

Anna: Kay sa akong dughan ug sa akong hunahuna mitoo gyud  ko nga ang  Ginoo maoy naghatag niya sa akoa. Dili  ko ka-explain. Ma-feel ra nako.

Banat News Hugyaw:  Unsa’y binuhatan niya nga  makapakilig kanimo?

Anna: Simple ra. The “I-love-you’s” everyday in the morning when I wake up, before I sleep even on random times with no reason whatsoever, especially kung saputon ko. “I love you!” Ana!

Banat News Hugyaw: Kanus-a mo nagpakasal nganong nagkasinabot mo nga mosulod sa maong butang?

Anna: After sa among contract sa Azamara Quest last 2012. Kadto nga kontrata,  naka-experience mi og  life threatening. Nasunog ang  barko, it was really a very serious situation. Anyway, we both realized life is short. We both have the same values, beliefs, dreams, ambitions and values. We want to continue life experiencing things together, growing together, learning and living together. Unya,  ni-propose man sad siya nako so YES pod ko!

Banat News Hugyaw:   Aduna ba’y higayon nga nagtakilid ang inyong relasyon? Giunsa ninyo kini pagsulbad?

Anna: Sa pagka karon, kalooy sa Diyos wala intawn. Naay mga misunderstanding, mga away here and there but we always end up knowing we only have each other and that we have to work it out. Talk about it.

Banat News Hugyaw: Sekreto aron magdugay ang usa ka relasyon?

Anna: COMMUNICATE.  Unya  dapat naay lugar ang mag online!!! Karong panahona kasagaran ang mga couple, kay  mag-date naa sa phone. So sad. Guilty mi ana usahay so we made a rule. Dapat  always put God in  the center of the relationship.

Banat News Hugyaw:  Gawas sa imong pagka- music teacher,  unsa pa ang lain nimo nga kabisihan?

Anna: Aside from the school, I still perform. Also, being a wife. BAM has great teachers and I am there to support everyone especially my husband.

Banat News Hugyaw: Unsa nga  lugar ang target ninyo nga laagan ug ngano man?

Anna: I think we both are so lucky and fortunate to be able to visit so many places in the world for years (salamat sa Ginoo), so ug naay place na gusto namo i-visit, places here sa Pilipinas particularly sa Cebu. Wa pa mi kasulay sa Oslob to swim with the Butandings. Moadto mi sa atong  waterfalls,  kana ang  gusto namong  buhaton.

Banat News Hugyaw: Unsaon ninyo pagkontrol ang selos?

Anna: Puwera  buyag wa pa man nahitabo. Wa ko kahinumdom. Nagsige man gud mi og uban.

Banat News Hugyaw: Giunsa ninyo pagbalanse ang inyong oras nga puros man mo busy?

Anna: Actually mao na amo adjustment karon. But we just try to really talk about it everytime. Ako ganahan ko istoryahan diha diha dayon kung  naay issue. Siya, maghulat pas right time. Ako, ang right time diha diha dayon! Hahaha.

Banat News Hugyaw:  Unsa ang inyong hobbies ? 

Anna: Kaon, tan-aw  og TV,  play with our dogs August and Boohbear.

Banat News Hugyaw:  Unsa nga  batasan nga common ninyong  duha?

Anna: Basta sugod na gani work, go go go go,  I guess being hard working. Saputon pod.

Banat News Hugyaw:  Kanus-a ang target ninyo nga maka-baby? 

Anna: Ug kami pabut-on everyday! 10 ka buok. Pagbuot sa Ginoo.

Banat News Hugyaw:  Unsa ang theme song sa love story ninyo ni Adam? 

Anna: Me and You by Kenny Chesney.

 

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with