Frasco Cup Under 25 Tournament mosikad na
CEBU, Philippines — Ang Cong. Duke Frasco Cup 2025 Under 25 Tournament mo-arangkada na karong adlawa (Sabado, Abril 26) didto sa Panphil B. Frasco Memorial Sports Complex sa Liloan, Cebu.
Giorganisa sa Frasco Sports pinaagi sa inisyatiba nilang konsehal Kath Jumapao, Ian Callet sa Indie Sports ug Jover Pisao sa Carmen, ang kaluhang torneyo nakahakot og 10 ka teams sa basketball ug siyam sa volleyball.
Sa basketball, ang defending champion Liloan anaa sa Bracket A kauban ang Carmen, Sogod, Poro ug Pilar. Ang Bracket B naglangkob sa Compostela, San Francisco, Danao City, Catmon ug Tudela.
Ang Liloan nagtinguha sab nga makadepensa sa ilang titulo sa volleyball sa dihang makigsangka sila sa Compostela, Sogod, Danao ug Tudela sa Bracket A.
Magbugno sa Bracket B ang mga spikers gikan sa Catmon, Carmen, Borbon ug San Francisco.
Ang makampiyon mobulsa og P150,000 samtang ang first runner-up makadawat og P100,000.
- Latest
