Embiid nagpositibo sa COVID-19

CEBU, Philippines — Ang alas sa Philadelphia 76ers nga si Joel Embiid nataptan sa gikahadlokang Covid-19 virus ug gipaabot nga dili kini makapakita'g aksiyon sud sa pipila ka mga duwa.

Sigun sa taho sa ESPN ug The Athletic website, nag-positibo ang resulta sa test sa Cameroonian kagahapong adlawa ug gipaubos na kini sa mga nalatid sa patakaran sa panglawas ug kaluwasan sa liga.

Ang 27-anyos nga power forward gipapahuway na sa ilang duwa batok sa New York Knicks kagahapon ug ingon man batok sa defending champion Milwaukee Bucks karong adlawa.

Dili lang kay mao ra kini, si Embiid lagmit makapalta pa og daghang mga duwa sa Sixers.

Si Embiid maoy hinungdan sa impresibong sinugdanan sa Sixers ning lab-as nga season diin sila kasamtangang naghari sa Eastern Conference standings uban ang 8-2 nga baraha. Nakab-ot kini sa Sixers tungod sa average ni Embiid nga 21.4 puntos ug 9.4 rebounds matag duwa.