Beterano, batan-ong players mag-abot sa PBA 3x3
CEBU, Philippines — Saksak sinagol sa mga beterano ug batan-ong mga players ang magpinaksitay sa labing unang PBA 3x3 tournament nga ilusad sa dili madugay.
Ang seven-time PBA champion nga si Larry Fonacier maoy mangu sa mga tang-an nga magduduwa nga mopakita'g aksiyon sa makasaysayanong liga nga planong sugdan sa tunga-tungang bahin ning bulan sa Nobiembre.
Sul-oton sa 39-anyos nga si Fonacier ang uniporme sa NLEX team nga Cavitex Road Warriors. Gawas ni Fonacier, mowadwad sab sila si Dylan Ababou, Almond Vosotros, Nico Salva ug LA Revilla.
Si Vosotros moduwa uban sa TNT Tropang Giga, si Revilla sa NorthPort, si Salva sa Limitless App sa Phoenix Super LPG samtang si Ababou mobanat uban sa guest team nga Platinum Karaoke.
Mobalik sab og duwa sa liga si Bacon Austria uban sa San Miguel Beermen.
Naglangkob sa batan-ong puwersa nga mobanat sa PBA 3x3 mao sila si Prince Rivero sa Sista Super Sealers (Rain or Shine), Pao Javelona sa TJ Giants, Matt Salem sa Terrafirma, Denice Villamor sa Ginebra, Alfred Batino sa Meralco ug Robin Rono sa guest team Pioneer.
Mosalmot sa giatngan nga PBA 3x3 mao ang 10 ka regular teams sa PBA ug tulo ka guest teams apil ang Zamboanga Valientes.
- Latest
