^

Banat Palaro

Sugboanong skateboarders mikulit og kasaysayan

Emmanuel B. Villaruel - Banat

CEBU, Philippines — Mikulit og kasaysayan ang mga Sugboanong skateboarders nga sila si Margielyn Arda Didal ug Motic Panugalinog sa dihang giharos sa Pilipinas ang mga bulawang medalya sa labing unang Asian Skateboarding Championships 2020 online skate video contest.

Giharos nilang Didal ug Panugalinog ang gold medals sa tagsa-tagsa nila ka dibisyon human sa usa ka bulan nga deliberasyon sa mga prestihiyosong judges gikan sa nagkalain-laing dapit sa kalibotan.

Dalaygon kaayo ang gipakitang mga salida ug teknik nilang Didal ug Panugalinog sud sa ilang balay samtang nagkwarantin aron langkaton ang double gold taliwala sa 162 ka mga entrante gikan sa 38 ka mga nasud sa Asya.

Si Didal, ang Asian Games ug Southeast Asian Games skateboarding queen nga maoy nagtuboy kaniya aron ibayaw nga 2019 "Athlete of the Year" sa Sportswriters Association of Cebu (SAC), mipasundayag og tricks diin anaa siya sa lababo ug miligid pinaagi sa usa ka taas nga lamesa.

Ang garbo sa Lahug, Dakbayan sa Sugbo nakakuha og 8.0 puntos aron pildihon ang sikit niyang mga karibal nga sila si Yurin Fujii sa Japan (7.50) ug Orapan Arwen Tongkong (7.46) sa Thailand.

Online man lamang tuod, apan dakong gamit alang ni Didal ang maong event kay nagsilbe sab kining pagpadayon sa iyang training ug kondisyon sa tinguha nga mo-qualify sa Tokyo Olympics sunod tuig.

Kadto lamang Top 20 sa kalibotan ang makasud sa women’s street skate sa Olympics ug dako kaayo og tsansa si Didal gumikan kay world No.14 man siya karon.

Sa laing bahin, si Panugalinog nakapuntos og 8.92 human mikuha og impresiyon sa iyang stunts gamit ang usa ka motorsiklo, sofa ug study chair. Iyang gibuntog sila si Basral Graito (8.34) sa Indonesia ug Firas Ahmed Al-Hinai (8.34) sa Oman.

KASAYSAYAN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with