Jolas miyukbo ni tim cone isip modelo ug idolo
CEBU, Philippines — Alang ni PBA great Jojo Lastimosa, si coach Tim Cone mao ang dunay labing dako nga impluwensiya sa iyang karera.
Dili lamang kini tungod sa siyam ka kampiyonato nga iyang nadaog ubos sa paggiya ni Cone uban sa Alaska. Ang pagka-organisado ug pagka-andam sa kanunay ni Cone sa dili pa moasdang sa gubat maoy mitaop sa dughan ni Lastimosa.
"Tim was a very detailed person. He takes care of players from 1 to 15. He takes time to teach them and I think that's very important," matud pa ni Lastimosa segun sa taho sa PBA.ph. Ang 56-anyos nga si Lastimosa, kinsa mao karon ang assistant ni coach Yeng Guiao sa NLEX Road Warriors, nalandig sa Alaska sa wala pa ang 1991 PBA season human siya gi-trade sa Purefoods hulip kang Elmer Cabahug.
"One good thing about Tim is that he connected with his players," dugang pa ni Jolas, nga 10 ka higayon nahimong All-Star. "That's where (Alaska) my game actually picked up."
Sa kinatibuk-an, sila si Lastimosa ug Cone nakadaog og siyam ka titulo uban sa Alaska Milkmen, apil na niini ang makasaysayanong grandslam niadtong 1996.
- Latest
