Ramirez-Postol world title bout gisibog na sab

CEBU, Philippines — Gumikan sa COVID-19 pandemic, giuswag ang pagdepensa ni WBC/WBO super lightweight champion Jose Ramirez sa iyang duha ka bakus batok ni Viktor Postol nga gikatakda unta karong Mayo 9 didto sa Save Mart Center sa Fresno, California.

Wala pa masayri kon unsa ang bag-ong petsa sa away, apan mahitabo gihapon kini didto sa Save Mart Center ug kadtong nakapalit na og  tiket mahimo gihapong makagamit niini.

Mao kini ang ikaduhang pagsibog sa sangka nilang Ramirez ug Postol.

Orihinal unta silang mag-abot niadtong Pebrero 2 didto sa China, apan gilabog kini sa laing dapit ug petsa gumikan sa pag-ulbo sa COVID-19 sa maong nasud