Philippine boxers nagpanagana sa Olympic qualifiers

CEBU, Philippines – Nagpanagana karon ang  Alliance of Boxing Association of the Philippines (ABAP) nga mopadala og mga boksidor didto sa China alang sa usa ka Olympic qualifier sunod bulan.

Kini tungod sa nagkagrabe nga kaso sa corona virus nga miigo sa  maong nasud.

Ang maong qualifiers ipahigayon didto sa Wuhan, China nga usa sa mga adunay taas nga kaso sa maong sakit.

Ang ABAP miapelar sa International Olympic Committee (IOC) aron ibalhin ang binyu sa maong qualifiers ug dili mabutang sa risgo ang mga boksidor nga mosalmot sa maong qualifiers.

Kon ipadayon didto sa China, ang ABAP moduso nga isibog una ang petsa sa sangka ngadto sa panahon nga mawala na ang maong sakit sa nasud. Ang qualifiers gikatakda sa Pebrero 3.

Si ABAP Head Ed Picson miingon nga andam ang Pilipinas nga mosawo sa hosting sa maong event.

Kompiyansa si Picson nga magustohan sa IOC ang Pilipinas kay mao man sab kini ang mi-host sa milabay'ng 30th Southeast Asian Games.