Cariaso nasurprisa pag-resign ni Compton
CEBU, Philippines — Nasurprisa si PBA legend Jeffrey Cariaso sa kalit nga pag-resign sa iyang higala nga si Alex Compton isip head coach sa Alaska Aces.
Si Compton mi-anunsiyo sa iyang pagnaog sa puwesto niadtong Huwebes.
Ang kadagkoan sa Alaska management mitudlo ni assistant coach Cariaso ngadto na sa usa ka head coach Aces.
"This happened within the last 48 hours," matud pa ni Cariaso sa Sports5. "When I found out and got the official call, I was actually walking around DisneySea in Japan. I was on vacation with my family for a few days."
Gidawat hinuon ni Cariaso ang hagit nga mopabangon sa Alaska franchise. Ang Aces katapusang nakatilaw og kampiyonato niadto pang tuig 2013.
"What you try to do when you're struggling is to really try and evaluate, think about what it is you can improve on and try to be better next conference," matud pa seven-time PBA champion nga si Cariaso.
Dili hinuon kini ang unang higayon nga nahimong head coach si Cariaso tungod kay misilbe siya sa Barangay Ginebra isip coach niadtong 2014 ug gidala niya ang koponan ngadto sa playoffs sud sa duha ka sunod-sunod nga higayon.
- Latest
