Pilipinas milubong sa Congo

CEBU, Philippines – Namunga ang duha ka bulan nga ensayo sa Gilas Pilipinas dihang ilang gilat-an ang Congo, 102-80 sa tune-up tournament didto sa Guadalajar, Spain.

Ang  Gilas  nga  atua sa Spain alang sa katapusang hut-ong sa ilang preparasyon sa World Cup karong Agosto 31 didto sa China, mipahimulos sa ilang fast-break plays ug long-distance shooting aron ilubong ang mas dagko nga Congonese.

Ang ex-NBA center ug naturalized bigman nga si Andray Blatche  mirehistro og 25 puntos, samtang si Japeth Aguilar miiskor og 22 puntos. 

Ang Gilas nanulong sa Spain nga aduna la'y 10 ka players tungod kay ubang sinaligan  nga sakop sa San Miguel Beermen ug TNT Katropa padayon pang nagduwa PBA finals.