James pabiling magsul-ot sa no. 23
Emmanuel B. Villaruel (Banat) - July 14, 2019 - 12:00am

CEBU, Philippines — Si LeBron James pabiling magsul-ot sa jersey No. 23 uban sa Los Angeles Lakers sunod NBA season.

Sa sayo pa, si James mipadayag nga itugyan niya ang iyang No.23 ngadto ni Anthony Davis isip regalo gumikan sa pag-waive niini sa iyang bonus human gi-trade sa New Orleans Pelicans ngadto sa Lakers.

Numero 23 sab ang gigamit ni Davis sud sa pito ka tuig niining pagduwa uban sa Pelicans.

Apan segun sa taho ni Chris Haynes sa Yahoo Sports, ang paghatag ni James sa No. 23 ngadto ni Davis hingpit nga madayon unya pa sa 2020-2021 season.

Kini gumikan kay niadto pa mang Marso 15 ang deadline nga gitagana sa NBA alang niadtong mga players nga gustong usbon ang ilang jersey number.

Sukad sa pagsulbong sa iyang karera sa NBA, No. 23 mao ang kanunay nga gigamit ni James. Apan No. 6 maoy iyang gisul-ot sud sa upat ka tuig niyang salida uban sa Miami Heat diin siya nakasakmit og duha ka kampiyonato niadtong 2012 ug 2013.

Kini human mibabag ang Nike nga maoy official clothing ug shoe sponsor ni James tungod kay daghan na sila og mga jersey nga naprinta ni James nga adunay numerong 23. 

Nabalaka ang Nike nga malugi sila kon ugaling idayon sa three-time champion iyang pag-ilis og jersey number gikan sa 23 ngadto sa 6.

Tungod kay dili pa man mahimo, si Davis  mogamit  lang una sa No. 3.

JAMES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with