James mogamit og balik sa no. 6
Emmanuel B. Villaruel (Banat) - June 29, 2019 - 12:00am

CEBU, Philippines — Ihatag ni LeBron James ang iyang numero 23 ngadto ni Anthony Davis, ang labing bag-o niyang kauban sa Los Angeles Lakers.

Sa miaging semana, nakuha sa Lakers si Davis gikan sa New Orleans Pelicans pinaagi sa usa ka trade.

Nagsul-ot si James sa numero 23 sa dihang nagduwa siya uban sa Cleveland Cavaliers ug ingon man sa Lakers.

Samtang si Davis nagsul-ot sab sa maong numero sa pito ka tuig niyang pagduwa uban sa Pelicans.

Segun sa taho sa ESPN, si James mobalik pagsul-ot sa numero 6 nga maoy iyang gigamit sa dihang nakabira siya og duha ka kampiyonato sa NBA uban sa Miami Heat.

Sa laing bahin, gisaytan karon sa Lakers ang NBA free agency nga magsugod karong Lunes.

Ang Lakers dunay $32 million nga ikagasto sa free agency ubos sa NBA salary cap rules.

Modako pa unya ang maong kantidad gumikan kay si Davis andam man nga mo-waive sa $4 million niyang trade bonus aron mahatagan og dakong espasyo ang salary cap sa Lakers.

Dako kini og ikatabang sa Lakers sa tinguha nga makalabni og dekalibreng free agent sarang makapalig-on og samot sa ilang puwersa.

  Unya sa free agency, suwayan sa Lakers og bira si 2014 ug 2019 NBA Finals MVP Kawhi Leonard  nga bag-o lang mitimon sa Toronto Raptors sa labing una nilang korona sa 24 ka tuig nga kasaysayan sa ilang prangkisa.

JAMES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with