Falcutila mitunol gold sa CV

CEBU, Philippines — Nanghawod si Marites Falcutila sa women's 100m race sa athletics event aron hatagan ang Central Visayas sa ilang unang bulawan sa Private Schools Athletic Association (PRISAA) National Games didto sa University of Mindanao-Matina campus sa Dakbayan sa Davao.

Ang 19-anyos nga sprinter gikan sa Lapu-Lapu City mitapos sa century dahs uban ang unofficial time nga 12.76 seconds.

"Ako gyud ning gi-aim nga maka-gold ko maski pa og first time ni nako ug wala pa gyud mi coach mikuyog namo diri," matud ni Falcutila. (BANAT NEWS)