Standhardinger, Abueva gipamulta
CEBU, Philippines — Wala suspenhona sa PBA Commissioner's office silang Christian Standhardinger sa San Miguel Beermen ug Calvin Abueva sa Phoenix Fuel Masters ug igo lang sila nga gipamulta sa liga.
Kabahin kini sa nahitabong lamok-lamok sa duha diin si Standhardinger nakita nga misikad ni Abueva og kaduha dihang natumba sila atol sa usa ka play. Si Abueva gihamok usab og pagsaway human sa iyang pag-atubang sa mga fans sa Beermen nga mipakita ngil-ad nga 'hand signals'.
Si Standhardinger nga gitawgan og flagrant foul 2 gipabayad og P20,000. Nagpasalamat hinuon ang San Miguel tungod kay wala gisuspenso ang sinaligan nilang Fil-German player.
Sa iyang bahin, si Abueva kinsa mipakita sa social media sa iyang garas sa ulo human sa patid ni Standhardinger, gipabayad og P5,000. Gibadlong usab siya ni PBA Commissioner Willie Marcial human sa ngil-ad niyang foul ngadto ni MVP JuneMar Fajardo atol gihapon sa maong duwa.
Si Marcial midugang nga mas magmatngon na ang mga officials ilabi na sa Game-3 karong Domingo didto sa Smart Araneta Coliseum.
- Latest